Dan wasan gaban Faransa mai buga wasa a kungiyar kwallon kafa ta Paris Saint Germain (PSG), Kylian Mbappe ya amince da komawa kungiyar kwallon kafa ta Real Madrid a karshen kakar wasanni ta bana.
Mbappe ya bayyanawa mahukuntan PSG aniyarsa ta komawa babban birnin kasar Sifaniya domin ci gaba da taka leda a Madrid a karshen kakar wasanni ta bana.
- Osimhen Da Oshoala Suna Cikin Masu Takarar Gwarazan Globe Soccer Award Na Bana
- Mbappe Ya Samu Tayin Fam Miliyan 300 Daga Al Hilal Ta Saudiya
Real Madrid ta shafe lokaci mai tsawo tana zawarcin tsohon dan wasan na As Monaco wanda ya lashe kofin Duniya tareda kasarsa Faransa a shekarar 2018 da aka buga a kasar Rasha.
ADVERTISEMENT
Mbappe ya shafe kakar wasanni bakwai a PSG wadda ya koma a shekarar 2017 daga Monaco inda ya zamo dan wasan da yafi jefawa kungiyar kwallo a tarihi.
