Mujallar Qiushi ta kasar Sin za ta wallafa wata muhimmiyar kasida ta shugaban kasar Xi Jinping, a bugu na 24 da za a fitar gobe Talata 16 ga watan nan na Disamba, mai taken “Bunkasa bukatun cikin gida na da tasirin gaske ga manyan tsare-tsare na kasa”.
Kasidar ta bayyana cewa, aikin bunkasa bukatun cikin gida na da nasaba da ci gaban tattalin arziki yadda ya kamata, da kuma tsaron tattalin arziki. Ba wani mataki na wucin gadi ba ne, mataki ne dake shafar manyan tsare-tsare. Ban da wannan kuma, bunkasar bukatun cikin gida na iya tabbatar da ci gaban tattalin arzikin kasar Sin cikin dogon lokaci lami lafiya, gami da biyan bukatun al’ummar kasar na neman jin dadin zamansu mai kayatarwa. Har ila yau, kasidar ta ce ya kamata a gaggauta karfin sayayya, ta yadda bunkasar bukatun cikin gida zai kara ingiza karuwar tattalin arzikin kasar. (Kande Gao)
