Daga bayar da hidimomi zuwa aiwatar da ayyuka masu hadari a masana’antu, mutum mutumin inji na kara zama abokin hulda na zahira a harkokin yau da kullum, yayin babban taron duniya kan mutum-mutumin inji na 2026 da aka bude ranar Laraba a Beijing.
Taron na yini 5 mai taken “Mu’amala tsakanin dan adam da mutum-mutumin inji, hada samar da kayayyaki da bukatu” na kunshe da nasarorin da duniya ta samu da sabbin kayayyaki da fasahohi a bangaren kera mutum-mutumin inji, inda babban taron ya hada nune-nune da shirye shirye sama da 70 da ke samun goyon bayan hukumomin kasa da kasa 30.
Sama da kamfanoni 300 ne suka halarci taron, adadin da ya karu da kaso 69 kan na bara. Ana sa ran baje sama da kayayyaki 3,000, ciki har da sabbin kayayyaki 300, wadanda za su nuna saurin ci gaba da kuzarin Sin a masana’antar mutum-mutumin inji. (Mai fassara: Fa’iza Mustapha)
