Yayin da ake fama da karuwar barazana a duniya da tangal-tangal a kasuwar makamashi, abun da aka fi sa rai game da shi a tattalin arzikin duniya bai wuce ci gaban da ke da karfin jure matsi da kuma daidaito yayin da ake fama da matsaloli ba, kuma yadda tattalin arzikin Sin ya kasance cikin rubu’in farko na fara shirin shekaru biyar-biyar na raya tattalin arziki da zaman takewar kasar Sin karo na 15, ya zama ainihin abun da ake fata.
Wani sakamakon nazarin jin ra’ayin jama’a da kafar CGTN ta gudanar ya nuna cewa, kaso 89.3 na masu bayar da amsa na ganin cewa, darajar tabbacin da Sin ke samarwa a wannan zamani mai rashin tabbas na karuwa.
A rubu’in farko na bana, ci gaban tattalin arzikin Sin ya kai kaso 5, inda ya kai matsayin koli na mizanin da ake son cimmawa a shekara.
Kaso 89 na masu bayar da amsa sun yi imanin cewa, wannan ya kara nuna juriya mai karfi na tattalin arzikin Sin, kaso 79.8 kuma sun bayyana ci gaban tattalin arzikin Sin mai girma, a matsayin wanda ya zama karfin dake daidaita tattalin arzikin duniya yayin da ake fuskantar rashin tabbas. (Fa’iza Mustapha)
