NLC Ta Ba Gwamnatin Tarayya Wa’adin Mako 2 Ta Rage Farashin Mai Tare Da Daidaita Mafi Ƙarancin Albashi

Ƙungiyar Ƙwadago ta Nijeriya (NLC) ta bai wa Gwamnatin Tarayya wa’adin makonni biyu da ta rage farashin man fetur tare da fara tattaunawa kan sabon mafi ƙarancin albashin ma’aikata.

Shugaban NLC, Joe Ajaero, ya ce wa’adin zai fara aiki ne daga ranar 9 ga watan Oktoba, 2026.

Ya yi gargaɗin cewa ƙungiyar na iya ɗaukar mataki idan gwamnati ta gaza cika buƙatunta.

NLC ta ce mafi ƙarancin albashin da ake biya yanzu bai zai wadatar ma’aikata ba saboda tsadar rayuwa da kuma faɗuwar darajar naira.

Ƙungiyar ta kuma buƙaci gwamnati ta biya basukan alawus-alawus da sauran haƙƙoƙin da aka amince da su, domin taimaka wa ma’aikata wajen fuskantar matsin tattalin arziƙi.