NUC Ta Daga Darajar Kwalejin Sa’adatu Rimi Zuwa Jami’a A Kano

Hukumar kula da jami’o’i ta kasa (NUC) ta daga darajar kwalejin ilimi ta Sa’adatu Rimi da ke Kumbotso a jihar Kano zuwa jami’a.

Abubakar Rasheed, sakataren zartarwa na NUC, ya mika takardar amincewa ta hukumar ga gwamnan jihar Kano, Abdullahi Ganduje a Abuja a ranar Talata.

• Ganduje Ya Amince Da Fara Daukar Fasinjoji Kyauta Ba Kudi A Motocin Gwamnatin Kano

Rasheed ya ce, Jami’ar Sa’adatu Rimi ta kasance jami’a ta 61 mallakar gwamnatin jihohi kuma jami’a ta 221 da ke fadin Nijeriya.

“Bayan cika sharuddan da ake bukata, na rubuta a madadin hukumar NUC cewa, daga ranar Talata 14 ga Fabrairu, 2023, Jami’ar Ilimi ta Sa’adatu Rimi ta zama jami’a ta 61 mallakin jihohi kuma jami’ar ta 221 a Nijeriya,” inji shi.

“Akan wannan takardar karin girma, an sanar da Hukumar Shirya Jarrabawar Shiga Jami’a (JAMB) da Asusun Tallafawa manyan makarantu (TETFund) da Hukumar Kula da matasa ‘yan hidimar kasa (NYSC) game da wannan sabuwar jami’ar.”

A nasa jawabin, Ganduje ya ce, wannan nasara, ta mayar da jihar Kano ta mallaki Jami’o’i mallakin gwamnatin jihar guda Uku.

Sauran biyun, sune: Jami’ar Yusuf Maitama Sule da Jami’ar Kimiyya da Fasaha ta Aliko Dangote da ke Wudil.

Sulaiman

+ postsBio

• Sulaiman

  Ra’yin Sin Da Afirka Ya Zo Daya A Fannin Fasahar AI
• Sulaiman

  Binciken CGTN: Amfanar Da Kowa Da Kowa Shi Ne Ainihin Alherin Da Fasahohin Kwaikwayon Tunanin Bil Adama Suka Kawo
• Sulaiman

  Sin Ta Yi Kira Da A Kafa Tsarin Jagorantar Muhimman Ma’adinai Ga Sauyawa Zuwa Amfani Da Makamashi Mai Tsafta
• Sulaiman

  Gwamna Dauda Lawal Zai Gabatar Da Jawabi A Taron Ƙasa Da Ƙasa Na Jami’ar FUE Zariya