Shugaban kasar Sin Xi Jinping, ya yi kira da a mayar da hankali kan manyan muhimman bukatun kasa da bayar da sabbin gudunmowa ga gina karfin Sin a bangarorin ilimi da kimiyya da fasaha da masu basira.
Xi Jinping wanda kuma shi ne sakatare janar na Kwamitin Kolin JKS, kana shugaban Hukumar Koli ta Soji, ya bayyana haka ne cikin amsar wasikar da ya rubuta wa malamai da daliban Jami’ar Jiao Tong ta Shanghai da Jami’ar Jiaotong ta Xi’an da Jami’ar Jiaotong ta kudu maso yammacin Sin da kuma Jami’ar Jiaotong ta Beijing.
Cikin wasikar, shugaba Xi ya ce wadannan jami’o’i 4 na hade da juna saboda tushe guda da suke da shi, kuma a bana dukkansu za su cika shekaru 130 da kafuwa. Ya kuma mika sakon taya murna ga dukkan malamai da dalibai da ma tsoffin daliban jami’o’in 4.
Xi Jinping ya kuma nanata muhimmancin karfafa kirkire-kirkiren kimiyya da fasaha masu zaman kansu da samar da masu basira, yana mai bukatar a yi kokarin cimma nasarori wajen inganta hadin gwiwa tsakanin masana’antu da jami’o’i da cibiyoyin bincike. (Fa’iza Mustapha)
