A yau Alhamis ne shugaban kasar Sin Xi Jinping, ya jaddada bukatar kara azama, da daukar managartan matakan karfafa tushen bincike, da bunkasa ikon kasar Sin ta fannin kirkire-kirkire na asali, da kara karfafa tushen kasar don cimma nasarar samar da ci gaban fannonin kimiyya da fasaha.
Kazalika, shugaba Xi ya ce, “Kamata ya yi mu shiga a dama da mu cikin tsarin gudanar da kirkire-kirkire na duniya, da zurfafa musaya tsakanin kasa da kasa da hadin gwiwa a fannin bincike, da shiga yunkurin shawo kan muhimman batutuwan binciken kimiyya, irinsu sauyin yanayi, da makamashi, da muhalli, da rayuwa da lafiya, kana mu shiga tsarin jagorancin duniya a fannin kimiyya da fasaha.”
Shugaba Xi, wanda kuma shi ne babban sakataren kwamitin kolin JKS, kuma shugaban hukumar gudanarwar rundunar sojojin kasar Sin, ya yi kiran ne yayin da ya halarci taron karawa juna sani dangane da karfafa tushen bincike a birnin Shanghai na kasar ta Sin. (Mai Fassara: Saminu Alhassan)
