A yau Alhamis ne aka gudanar da bikin bude taron koli na duniya kan tsarin kyautata hakkin dan Adam na shekarar 2026, inda wakilan cibiyoyin tsarin hadin kai, na shirin aikin kasar Sin kan hakkin dan Adam, suka fitar da “shirin aiki na kasa game da hakkin dan Adam na shekarar 2026 zuwa 2030 tare”.
Shirin aikin ya kunshi babuka 8, ciki har da fannin “Ciyar da kare hakkin tattalin arziki, zamantakewa da al’adu a dukkan fannoni gaba” da “Karfafa tsarin kare hakkin jama’a da na siyasa”, da kuma “Kare hakkin kananan kabilu da mata, da yara, da tsofaffi, da masu bukata ta musamman”, kana da “Taka rawar gani wajen ciyar da tsarin kyautata hakkin dan Adam na duniya”, da sauransu.
Har ila yau, shirin aikin ya bayyana cewa, daga shekara ta 2021 zuwa 2025, gwamnatin Sin ta aiwatar da shirin aiki mai nasaba da hakkin dan Adam karo na 4, inda aka aiwatar da manufofi, da ayyuka masu nasaba yadda ya kamata.
Matsayin kare hakkin dan Adam na Sin ya samu ingantuwa sosai, kuma ya kara samar da kwanciyar hankali, da tabbaci mai muhimmanci ga ci gaban ayyukan hakkin dan Adam na duniya. (Amina Xu)
