Yau Litinin, kakakin ma’aikatar harkokin wajen Sin Mao Ning ta amsa tambayar da aka yi game da batun kulla yarjejeniya a tsakanin Amurka da Iran, inda ta ce, kasar Sin na ganin cewa, hanyar yin shawarwari ita ce hanya mai dacewa ga bangarorin da abin ya shafa wajen warware matsalar, tun da a halin yanzu, kasar Amurka da kasar Iran sun dawo teburin yin shawarwari, to bai kamata a sake rufe wannan hanya ba.
Haka kuma, kasar Sin ta yi kira da a bude mashigin teku na Hormuz cikin sauri, da kare tsarin samar da kayayyaki a tsakanin kasashen duniya, da kuma tsagaita bude wuta daga dukkannin fannoni, domin shimfida zaman lafiya a yankin Gabas ta tsakiya da yankin Gulf. (Mai Fassara: Maryam Yang)
ADVERTISEMENT
