Ta’addanci Ya Zama Tarihi, Nijeriya Na Cikin Aminci – Lai Muhammad

Ministan yada labarai da al’adu, Lai Muhammad, ya ce babban kalubalen ta’addanci a Nijeriya ya kare idan aka yi la’akari da matsalar rashin tsaro.

Lai Mohammed ya bayyana haka ne a wani zama na ministoci a taron makon wayar da kan jama’a da kungiyar UNESCO ke shirya wa.

• Mu Nemi Yafiyar ‘Yan Nijeriya Don Ba Lallai Mun Biya Musu Bukatunsu Ba – Aisha Buhari

Ya kara da cewa, sojoji da sauran jami’an tsaro sun jajirce wajen kare dukiyoyi da rayukan ‘yan Nijeriya da wadanda ba ‘yan kasa ba.

Ya ce, “Zan iya tabbatar wa, duk sojojinmu da sauran jami’an tsaro suna yin duk mai yiwuwa don tabbatar da tsaro da kare ‘yan Nijeriya da baki da ke zaune a Nijeriya.

“An ragargaji ‘yan ta’addan. An tarwatsa maboyarsu. A yau kasarmu ta fi kowane lokaci zaman lafiya in akayi la’akari da baya-bayan nan, sabida sadaukarwar da jami’an tsaron mu, maza da mata suka yi.

” ‘Yan Nijeriya, farar hula, su ma su ci gaba da lura amma fa firgita ba. Kamar yadda na fada a wata sanarwa ta baya-bayan nan, dangane da matsalar rashin tsaro, mafi munin rashin tsaro a Nijeriya ya kare, ya zama tarihi.”

Sulaiman

+ postsBio

• Sulaiman

  Rodri Ya Nemi Afuwar Valencia Dangane Da Kalaman Da Yayi Akanta
• Sulaiman

  Za A Gudanar Da Taron Koli Na Shugabannin Harkokin Masana’antu Da Cinikayya Na APEC Na 2026 A Shenzhen
• Sulaiman

  Amurka Ta Bai Wa Nijeriya Sabbin Kayan Yaƙi Domin Yaƙi Da Ta’addanci
• Sulaiman

  Xi Ya Bukaci A Kara Azamar Dakile Aukuwar Muggan Hadurra Sakamakon Aukuwar Gobara A Wani Jirgin Ruwan Dakon Kayayyaki