Game da bikin baje kolin hada-hadar samar da kayayyaki na kasa da kasa na kasar Sin ko CISCE karo na hudu da aka gudanar daga ranar 22 zuwa 26 ga watan nan a birnin Beijing, wakilan babban rukunin gidajen rediyo da talabijin na Sin wato CMG, sun gane wa idanunsu cewa, fasahar dijital da basirar na’urori ta sarrafa kai na kara kuzari ga ci gaban masana’antu, kuma ana aiwatar da sakamakon kirkire-kirkiren kasa da kasa zuwa aikace-aikace na zahiri, lamarin da yake dogaro da jigon da “tsarin masana’antun Sin” ya bayar.
Bikin na bana ya jawo kamfanoni sama da 1,200 daga kasashe da yankunan kasa da kasa 85, wadanda suka yaba da baje kolin cewa “Baje koli ne mafi inganci” ko kuma “Ya samu wadatattun masana’antu da suka halarta” da dai sauransu.
A wurin baje kolin, wakilai daga kamfanoni daban-daban na kasashen duniya sun bayyana fa’idodin “tsarin masana’antu na Sin” ga wakilan CMG. Daga cikin fa’idodin, karfin kirkire-kirkire na “tsarin masana’antu na Sin” ya jawo hankalin mutane kwarai. Sakamakon ci gaban fasahohin zamani kamar fasahar AI, Sin na kokarin inganta hada kirkire-kirkire da tsarin masana’antu, tana kuma fitowa a matsayin muhimmin karfi a cikin kirkire-kirkire da habakar tsarin samar da kayayyaki a duniya.(Safiyah Ma)
