A tsakanin ranar 11 zuwa ranar 15 ga watan Afrilu, firaministan kasar Sifaniya Pedro Sanchez ya kawo ziyarar aiki a kasar Sin, kana, wannan shi ne karo na 4 da ya yi ziyarar aiki a Sin cikin shekaru 4 da suka gabata. Shugaban kasar Sin Xi Jinping ya gana da firaminista Pedro Sanchez, kuma, kasashen biyu sun kulla hadin gwiwa da dama, dake shafar tattalin arziki da cinikayya, da aikin ba da ilmi, da kimiyya da fasaha, da aikin gona da abinci da dai sauransu.Abin lura shi ne, a yayin ganawarsu a ranar 14 ga wata, shugabannnin biyu sun jaddada wata kalma wato “tsayawa kan manyan tsare-tsare”.
Wannan ita ce alamar musamman ta dangantakar dake tsakanin kasar Sin da kasar Sifaniya, wadda ta nuna dalilin da ya sa firaminista Pedro Sanchez ya sha kawo ziyarar aiki kasar Sin, duk da tashin-tashina da sauye-sauyen da ake ciki a duniya.Bana ce shekarar farko da aka fara aiwatar da shirin shekaru biyar-biyar na bunkasa tattalin arziki da zamantakewar kasar Sin na 15, wanda ya samar da karin damammakin habaka hadin gwiwar dake tsakanin kasar Sin da kasashen yammacin duniya.
A wannan karo, shugabannin kasashen biyu sun tsara sabuwar hanyar habaka hadin gwiwar dake tsakanin Sin da Sifaniya.
Kamar yadda shugaba Xi Jinping ya bayyana, ya kamata bangarorin biyu su yi amfani da wannan dama, wajen neman bunkasuwa ta hanyar yin kirkire-kirkire, da karfafa hadin gwiwa kan fannonin cinikayya, da sabbin makamashi, da kuma tattalin arziki na fasahar AI.
A sa’i daya kuma, a kara musayar al’adu, da aikin ba da ilmi, da nazarin kimiyya da fasaha, da harkokin motsa jiki, tare da cimma karin sakamako ta fuskar dangantakar abokantaka bisa manyan tsare-tsare, domin tallafa wa al’ummomin kasashen biyu. (Mai Fassara: Maryam Yang)
