Yau Laraba 20 ga wannan wata, shugaban kasar Sin Xi Jinping ya yi shawarwari tare da shugaban kasar Rasha Vladimir Putin a babban dakin taron jama’a dake birnin Beijing.A yayin shawarwarin, shugaba Xi ya yi nuni da cewa, a shekarun baya-baya nan, Sin da Rasha suna ci gaba da raya dangantakarsu ta hadin gwiwa a dukkannin fannoni na sabon zamani bisa tushen nuna adalci da girmamawa da imani da juna da kuma yin hadin gwiwar samun moriyar juna.
A halin yanzu, ana fuskantar sauyin yanayin kasa da kasa, amma neman zaman lafiya da ci gaba da hadin gwiwa su ne bukatun jama’a da ma na duniya baki daya.
A matsayinsu membobin dindindin na kwamitin sulhun MDD, kuma manyan kasashen duniya, Sin da Rasha suna raya hadin gwiwarsu mai inganci don taimakawa kasashen biyu wajen samun ci gaba, da sa kaimi ga kafa tsarin tafiyar da harkokin duniya mai adalci yadda ya kamata.
Game da halin da ake ciki a mashigin teku na Hormuz, shugaba Xi ya bayyana cewa, kawo karshen yakin cikin hanzari zai taimakawa rage mummunan tasirin da aka haifarwa bangaren samar da makamashi da kayayyaki da yin jigila da kuma odar cinikin kasa da kasa.
A yayin shawarwarin, shugabannin kasashen biyu sun amince da tsawaita wa’adin yarjejeniyar hadin gwiwa da sada zumunta a tsakanin Sin da Rasha. (Zainab Zhang)
Discussion about this post