Ya Kamata Manchester United Ta Dauki Bellingham – Ferdinand

Tsohon dan wasan bayan Manchester United da Ingila, Rio Ferdinand ya ce akwai bukatar kungiyar ta shiga zawarcin dan wasan tsakiyar Dortmund, Jude Bellingham.

Bellingham mai shekaru 19, ya yi rawar gani a Gasar Cin Kofin Duniya da aka kammala a Qatar na 2022.

• Da Dumi-Dumi: Saudiyya Ta Bai Wa Nijeriya Gurbin Mahajjata 95,000 A Hajji Mai Zuwa
• Taliban Ta Haramtawa Mata Karatu A Jami’a A Afghansitan 

Tuni dai kungiyoyi irin su Real Madrid, Liverpool da PSG suka shiga zawarcin dan wasan na Ingila.

Bellingham dai na daya daga cikin ‘yan wasan da tauraronsu ke haskawa a wannan shekara.

“Jude Bellingham ya haska matuka a gasar cin kofin duniya,” kamar yadda Ferdinand ya bayyana a YouTube.

“Babu inda matashin dan wasan ba zai iya zuwa don murza kwallo ba.

“Yana da kyau Manchester United ta dawo da shi gida, yake buga mata wasanni,” a cewarsa.