‘Yan Bindiga Sun Sace Direba Da Fasinjoji 18 A Katsina

Wasu ‘yan bindiga sun sace direban wata bas tare da fasinjojin motar 18 a Jihar Katsina. 

Wata majiya mai tushe, ta ce lamarin ya faru ne a ranar Alhamis da misalin karfe 12.30 na rana, tsakanin kauyukan Burdugau da ‘Yar Goje a kan babbar hanyar Funtua zuwa Katsina.

• Ɗiawara Ya Fice Daga Tawagar Faransa Bayan An Hana ‘Yan Wasa Yin Azumi
• Tsaron Iyakoki: ACG James Sunday Ya Jagoranci Taron Samar Da Dabarun Aiki A Jos

Ya kara da cewa ‘yan ta’addar dauke da makamai sun yi awon gaba da fasinjojin zuwa daji.

Har yanzu rundunar ‘yansandan jihar ba ta fitar da wata sanarwa a hukumance dangane da lamarin ba, zuwa lokacin hada wannan rahoto.