Wasu ‘yan bindiga sun kai hari a kan ayarin motocin daurin aure a garin Damari da ke karamar hukumar Sabuwa ta jihar Katsina, inda suka kashe wasu mutane uku tare da yin awon gaba da baki ‘yan daurin aure su kusan 55.
Maharan sun kai harin ne da misalin karfe 9 na daren ranar Alhamis a garin Damari kamar yadda mazauna yankin suka tabbatar da faruwar haka ranar Juma’a, kamar yadda kafar yada labarai ta Sahara Reporters ta ruwaito.
- Gwamnan Katsina Ya Bukaci Al’umma Su Hada Kai Don Ciyar Da Jihar Gaba
- Sojoji Sun Kuɓutar Da Mutum 35 Da Aka Yi Garkuwa Da Su A Jihar Katsina
Bakin daurin auren wadanda ke cikin motocin rakiyar amarya zuwa gidanta, suna cikin wata budaddiyar motar kurkura a lokacin da ‘yan ta’addar suka afka musu.
Wata majiya ta bayyana cewa mutanen da harin ya ritsa da su sun haura mutum 70, inda da dama wasu daga cikin su suka yi nasarar tserewa daga motar lokacin ya yin harin.
