Akalla ‘yan ta’adda 20 ne suka mutu, ciki har da fitattun shugabanni a wani kazamin rikici da ya barke tsakanin kungiyoyin ‘yan bindiga a jihar Katsina.
Rikicin wanda ya faru da sanyin safiyar Laraba, rahotanni sun bayyana cewa, an gwabza rikicin ne a yankin Dan-Ali da ke karamar hukumar Dan-Musa a jihar.
- Za A Gudanar Da Zaben Kananan Hukumomin Jihar Nasarawa A Watan Nuwamba
- Zaɓen Ƙananan Hukumomi: Gwamna Uba Sani Ya Ƙaddamar Da Yaƙin Neman Zaɓen APC
Wani mai sharhi kan harkokin tsaro, Zagazola Makama, ne ya bayyana rahoton rikicin a wani sharhi da ya wallafa a shafinsa na X, inda ya bayyana cewa, rikicin ya faru ne tsakanin ’yan kungiyar ta’adda ta Mai Nore da Buzaro.
Shaidun gani da ido sun bayyana cewa, rikicin ya tsananta, inda aka dauki tsawon lokaci ana ta harbe-harbe a cikin al’umma.
An kuma bayar da rahoton cewa, ‘yan bindiga da dama sun samu raunuka yayin arangamar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
