A gun taro karo na 28 na kwamitin madatsar ruwa na duniya da ake gudanarwa, an bayyana cewa kasar Sin ta cimma nasarar gina madatsun ruwa masu kunshe da fasahar zamani da dama, kuma ci gaban da take samu a bangaren kirkire-kirkire, da nasarorin da take samu a fannin gudanar da harkoki masu masaba da hakan na jawo hankalin kasa da kasa.
Ya zuwa yanzu, Sin ta riga ta kyautata aikin na’urorin sa ido kan kananan madatsun ruwanta dubu 51, da zummar kafa tsarin taurarin dan Adam, da jiragen sama marasa matuka, da na’urar rada, da tasoshin doron kasa, da na’urorin karkashin ruwa, da na’urorin sa ido bai daya. Ban da wannan kuma, Sin ta fara aikin gwaji a wurare 12, game da madatsun ruwa masu amfani da fasahar zamani, matakin da zai ciyar da aikin gina madatsun ruwa irin wadannan gaba.
- Ƙungiyar ’yan Majalisar Dokokin Ƙasa Ta APC Ta Amince Da Takarar Tinubu A Zaɓen 2027
- Sanata Adamu Aliero Ya Ƙaddamar Da Rabon Kayan Tallafi Ga Ƙananan Hukumomi Takwas A Kebbi
An ce, ya zuwa yanzu, yawan madatsun ruwa, da yawan wutar lantarki da za su iya samarwa, dukkansu ya kai matsayin koli a duniya, kuma Sin ta taka rawar gani wajen tinkarar bala’un yanayi, matakin da ya zama abun koyi ga dukkanin fadin duniya.
Ya zuwa karshen shekarar 2024, yawan madatsun ruwa da Sin ta gina ya kai fiye da dubu 94, adadin da ya kai matsayin koli a duniya, yayin da yawan wutar lantarki da za su samar ta amfani da makamashin ruwa zai kai kilowatts miliyan 435, kana yawan wutar lantarkin da za a samar a kowace shekara zai kai kilowatts duk sa’a tirilyan 1.42, adadin ya kai kashi 57% bisa dari da Sin za ta samar ta amfani da makamashi mai tsabta. (Amina Xu)
