Ɗalibin Jami’a Ya Hallaka Kansa Har Lahira A Neja

Ana zargin wani ɗalibin aji uku a Jami’ar Ibrahim Badamasi Babangida (IBBU), Lapai da ke Jihar Neja, mai suna Kelvin Danlami, da kashe kansa.

An same shi a ɗakinsa da safiyar ranar Talata.

• Tinubu Da Kwankwaso Za Su Gana Yayin Da Siyasar Kano Ta Ɗauki Sabon Salo
• AFCON 2025: Dalilin Da Ya Sa Super Eagles Ba Ta Jira Bikin Karɓar Kyautar Tagulla Ba – NFF

Rundunar ‘yansandan Jihar Neja ta tabbatar da faruwar lamarin ta bakin kakakinta, Wasiu Abiodun.

‘Yansanda sun ce an gano ɗalibin ne a ɗakinsa da safiyar ranar.

Marigayin, ɗalibi ne a fannin Kimiyyar Kwamfuta a Jami’ar mallakar jihar.

Wasu majiyoyi sun ce yana fuskantar matsalar biyan kuɗin haya, amma babu wani tabbaci game da hakan zuwa lokacin haɗa wannan rahoto.