Gwamnan Jihar Sakkwato, Aminu Waziri Tambuwal ya zama dan takarar kujerar Sanata na jam’iyyar PDP mai wakiltar Sakkwato ta Kudu.
Mazabar majalisar dattawa ta Sakkwato ta Kudu ta kunshi kananan hukumomi bakwai da suka hada da Bodinga, Dange/Shuni, Kebbe, Shagari, Tambuwal, Tureta, da Yabo.
- Yayin Da Atiku Ya Zama Kwamandan PDP A 2023…Kallo Ya Koma APC
- Ra’ayoyinku A Kan Ko Atiku Abubakar Da PDP Ta Tsayar Zai Iya Kai Bantensa A Zaben 2023?
LEADERSHIP ta ruwaito cewa, a makon da ya gabata ne gwamnan ya janye wa tsohon mataimakin shugaban kasa, Atiku Abubakar, a zaben fidda gwani na jam’iyyar PDP da aka gudanar a Abuja.
A baya Gwamna Tambuwal ya wakilci mazabar Tambuwal/Kebbe a majalisar wakilai, inda ya zama shugaban majalisar a zangonsa na uku.
Gwamnan na Neman gaje kujerar Sanata mai wakiltar Sakkwato ta Kudu mai ci, Mohammed Danbaba, wanda kwanan nan ya fice daga PDP zuwa APC.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
