Barkanmu da sake saduwa a filinmu na Ra’ayi Riga,Wannan mako za musgabatar muku da ra’ayoyinku ne a kan tsayar da Atiku Abubakar da aka yi a matsayin dan takarar shugabancin Nijeriya a jam’iyyar PDP a karshen makon jiya, shin a ganinku zai iya kai bantensa kuwa.
Man Nass
Wannan shi ne abin da muka fi kyautata masa zato musamman a wannan lokaci da mutane suke cikin matsanancin rayuwa wanda gani ake yi kamar jam’iyya mai mulki bata yi wa al’umma abinda zai rage musu radadi ba.
Bashir Ibrahim Matazu
Idan an yi aiki tukuru zai iya kai labari idan kuma ‘yan PDP suka maida hankali ak an zagin wasu da suke hamayya za su iya komawa gidan jiya. Allah Ya ba mai rabo sa a.
Amb Ibrahim Adam Dan-Sarauta
Allah wadaran na ka ya lalace… A wannan filin mai albarka mun tattauna magana a kan zaben fidda gwani, inda mu ka ce Delegets su yi gaskiya amma sai gashi labara ya zo cewa, Atiku ya kashe su da iyayen kudade sun zabe shi.
Don haka Atiku zai iya kaiwa ga ci, tun da lamarin na kudi ne, Allah ya ba mu shuwagabanni na gari.
Omar Naseer Imam
Muna fatan Atiku ya zama alkhairi a gare mu duk da bamu da zabi fatanmu Allah ya bamu wanda zai zama mafita ga al’umman Nijeriya gaba daya, arewaci da kuma kudancinta Alfarman Annabi Muhammad (SAW)
Sani Bello Kano
Wallahu galibun ala amrihi, to babban abin dubawa anan shi ne yadda yake sakarwa deligets kudi kamar hauka, sannan kuma indai a haka za a tafi to lallae zai iya samun mulki tunda sai abinda suka ce sannan kuri’ar talaka bata da amfani sai abinda INEC suka ce, sannan kuma suma ba zai barsu haka ba, sai dai addu’ar Allah ya zaba mana mafi alkhairi.
Cmrd Sadeek Rufa’i Ɗanguguwa
Allah wadaran Zaben fidda gwani irin wannan. Duk da irin kiraye kiraye da gidan Jaridu da malamai suka yi ta yi wurin tsarkaka niyya ga dukkan masu alhakin fidda dan takara, amman sai da suka kauce ta hanyar amsar kudade. Allah ya kyauta wannan lamari.
Nuruddeen Muhammad Funtua
A gaskiya mutane sun sha wahala a wannan mulkin na APC duba da yanayin kuncin rayuwa da ake ciki to idan akai duba da hakan zai iya kaiwa ga nasara. Amma mu yawancin ‘yan Nijeria mun tura lamarin ga Allah ne domin zabin Allah shi ne zabi. Mudai Allah ya zaba mana shugabanni nagari, idan shi ne alkairi Allah ya bamu ikon zabarsa.
Ibrahim Hassan Baban Adila
Anawa tunanin inaga Atiku Abubakar zai iya kai labari duba da duk ‘yantakarar da suka fito basu da karfin da za su kara dashi, sannan kuma yadda analysis yanuna yawancin yan arewa za su yi Atiku kuma yankin arewa sun fi kudu yawa sosai, sannan mutane sun gaji da jam’iyyar APC sakamakon gazawar da ta yi wajen mulki, abubuwa sun tabarbare ba kamar yadda suka zo suka sami kasar ba. Daga karshe mu talakawa muna rokon Allah ya zaba mana shugaba nagari kuma mafi alkhairi a gare mu Amen, daga Ibrahim Hassan Minister Baban Adila da ansar Jihar Gombe.
Muhd Basheer Sa’ad
Duba da yadda al’amura suka tabarbare wa Shugaba Buhari tabbas APC za ta sha kayi ne.
Shi kuwa Atiku shima ba wani labari da zai kai duk da cewar yana da magoya baya.
Allah dai ya zaba mana shugaba mafi alhairi ga rayuwar mu, amin
Sani Ladan
To lallai wannan batu na takarar Atiku babbar nasara ce ga yankin mu na arewa kuma gaskiya wannan karon Atikun zai iya kai bantensa a kakar zabe mai zuwa duba da yadda ita jam’iyya mai mulki ta Gaza sauke nauyin da yake kanta,muna fatan Allah ya zaba mana mafi allhairi
Saimas Spices
Gamu nan dai kuma a game na siyasar Nijeriya, bamu da ikon jayyaya da deligete wanda idan ba an canza tsarin zaben deligates din bama siyasa ba za ta gyaru ba, mu dai talakan Nijeriya zamu ci gaba da addu’ar Allah ya zaba mana mafi alkhairi
Maman Aisha
To ai wannan abin sai Allah kawai, sai dai fatan mu Allah ya bamu nagari wanda zai yi abinda ya dace damu ‘yan Nijeriya, Allah ya ba mu sa a
Moubarak Abdoullahee
Aslm mudae ayanzu bazamu iya fadan cewa ze iya kai bantennasaba ko Aa, harsemunga yadda ta kaya azaben fidda gwani na jam iyar APC domin ance darashin uwa ake uwar daki
Nura Usman Idris
Da wahala gaskiya duba da yadda Talakawa suka yi masa bakin fenti.
It’z Sam Dambatta
To ita dai siyasa mace ce da ciki amma gaskiya abin da kamar wuya, musamman idan a kace jagoran kwankwasiya ya tsaya a jam’iyar NNPP. Mu dai fatan mu Allah ya zaba mana mafi alkhairi
Khadija Muhammad
Zabin Allah shi ne zabi, Allah ya zaba mana mafi alhairi
