2023: Za A Fara Kidayar Jama’a Da Gidaje 3, Ga Watan Mayu – Gwamnati

Gwamnatin Tarayya ta tabbatar da fara kidayar yawan jama’a da gidaje na shekarar 2023 a ranar 3 ga watan Mayu.

Dakta Garba Abari, mamba ne a kwamitin yada labarai da bayar da shawarwari kan kidayar jama’a da gidaje ta kasa na shekarar 2023, ya tabbatar da hakan a ranar Lahadi a Abuja yayin tattaunawa da Kamfanin Dillancin Labarai na Nijeriya (NAN).

• Gidan Da Aka Farmaka A Bauchi Ba Na Shugaban INEC Ba Ne – Oyekanmi

Ya ce, za a gudanar da kidayar ne acikin kwanaki uku, za a fara a ranar 3 ga watan Mayu zuwa 5 ga watan Mayu a fadin kasar.

Abari, wanda shi ne Darakta-Janar na Hukumar Wayar da Kan Jama’a ta Kasa (NOA), ya bayyana cewa, aikin kidayar ba zai tsallake kowa ba, zai kidaya kowane mutum da gida akan tsari na kasa.

A cewarsa, an sauya ranar da aka fara tanada ne sabida dage zaben gwamnoni da na majalisun jihohi da hukumar zabe mai zaman kanta ta kasa (INEC) ta yi a shekarar 2023.

Sulaiman

+ postsBio

• Sulaiman

  Na Sayar Da ’Ya’yana, Na Sace Wasu 19 – Wata Da Ake Zargi Da Safarar Yara
• Sulaiman

  Hormuz: Iran Ta Kai Muggan Hare-hare Kan Sansanin Amurka A Jordan
• Sulaiman

  ASUU Ta Yi Barazanar Yajin Aiki A Jami’ar Jihar Sokoto
• Sulaiman

  PDP Ta Musanta Mara Wa APM Baya A Bauchi