Aikin Binciken Duniyar Mars Na Kasar Sin Ya Samu Kyawawan Sakamakon Kimiyya

Hukumar kula da sararin samaniya ta kasar Sin, ta ce aikin binciken duniyar Mars da kasar ke yi ya samu kyawawan sakamako na kimiyya.

A cewar hukumar, zuwa ranar Alhamis, kumbon zagaye na Tianwen-1, ya yi aiki yadda ya kamata tsawon kwanaki 780, yayin da na’urar Zhurong mai tafiya, ta yi tafiya mita 1,921 a doron duniyar Mars.

• Sin Da Rwanda Sun Tsawaita Yarjejeniyar Hadin Gwiwa A Fannin Kiwon Lafiya Na Tsawon Shekaru 5

Kumbon da na’urar na Tianwen-1, sun kammala ayyukan binciken kimiyya da ake son gudanarwa, inda suka tattaro bayanan kimiyya da suka kai yawan gigabyte 1,480.

Tianwen-1, ya kunshi kumbo da naurorin sauka da tafiya. A ranar 15 ga watan Mayun 2021, ya sauka a wurin da aka kebe na saukarsu a duniyar Mars, inda ya kasance kumbon bincike na kasar Sin na farko da ya sauka a duniyar Mars. (Fa’iza Mustapha)

Sulaiman

+ postsBio

• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar