An Mayar Da Tubabbun Mayakan Boko Haram 3,500 Unguwanninsu A Jihar Borno

Mai bawa gwamnatin jihar Borno shawara na musamman kan harkokin tsaro, Brig. Janar Abdullahi Ishaq (rtd) ya bayyana cewa kimanin tubabbun mayakan Boko Haram 3500 ne cikin sama da 80,000 da suka mika wuya tare da iyalansu ga sojoji aka mayar da su cikin al’ummominsu a jihar Borno.

Mashawarcin na musamman ya bayyana hakan ne a ranar Talata a Maiduguri yayin da yake jawabi a wani taro da wasu masu ruwa da tsaki ( Peace Ambassadors Centre for Humanitarian Aid and Empowerment (PACHE) tare da hadin gwiwar gwamnatin jihar Borno da British Council suka shirya.

• ‘Yan Boko Haram Sun Kashe Mutum Dubu 100 Tare Da Tarwatsa Mutane Miliyan 2 —Irabor

Brig. Janar Abdullahi ya kara da yiwa inda tubabbun ‘yan ta’addan nasiha da su kasance cikin halin kirki a cikin al’ummominsu inda aka mayar dasu.

Brig. Janar Ishaq ya bayyana cewa zaman lafiya da al’umma shine koyarwa da muradin gwamnatin jihar ga tubabbun ‘yan ta’addan, inda ya kara da cewa ‘yan uwa da abokan tubabbun sun yiwa sansanonin da aka killace tubabbun kawanya a ranakun Asabar da Lahadin da ta gabata domin rungumar ‘yan uwansu da abokansu.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina KasaBy