Kungiyar kwallon kafa ta Arsenal na ci gaba da haskawa a wannan kakar wasanni ta bana bayan doke abokiyar karawarta Sheffield United da ci 6 da babu a wasan da suka buga a ranar Litinin.
Wannan nasarar da Arsenal ta samu ya sa ta ci gaba da zama a matsayi na uku, inda ta ke da tazarar maki daya tsakaninta da Manchester City da ke matsayi na biyu da kuma maki biyu tsakaninsu da Liverpool da ke jan ragamar gasar.
- An Sulhunta Gwamnan Kano Da Sheikh Aminu Daurawa
- An Bude Taron Majalisar Wakilan Jama’Ar Kasar Sin A Beijing
A wasan wanda aka buga a ranar Litinin Arsenal ta jefa kwallaye shida rigis ta hannun Martin Odegard, Martinelli, Kai Harverrz, Declan Rice da Ben White sai kuma Boygle wanda ya ci gidansu.
Da wannan ne Arsenal ta buga wasanni bakwai a jere a gasar Firimiyar Ingila ba tare da an doke ta ba, kuma ta jefa kwallaye 31 aka zura mata kwallo uku kacal a ragarta.
