Kungiyar kwallon kafa ta Arsenal Dake buga gasar Firimiya ta kasar Ingila ta taya Dan wasan gaban Ajax Timber akan kudi Yuro miliyan 30.
Arsenal Na neman karfafa yan wasanta kafin tunkarar kakar badi inda take neman sayen yan wasan gaba,tsakiya da kuma baya
Jurien Timber ya kare a na uku tare da kungiyarsa ta Ajax a gasar kalubale ta Eredivise wadda kungiyar Feyernood ta lashe
Manyan kungiyoyin Turai na neman Timber mai shekaru 22 Wanda ya buga wasanni 47 a kakar bana ciki har da Manchester United da kuma Bayern Munich
Ya bugawa kasarsa ta Holland wasanni 17 ciki har da wasannin gasar kofin Duniya da aka kammala a kasar Qatar yayinda Holland ta Kai zagayen na kusa dana karshe
Kocin kungiyar Arsenal Mikel Arteta na neman samun sabbin Yan Wasa yayinda babu tabbacin ko Yan wasa Tomas Partey da Granit Xhaka zasu Kara kwantiragi
Bayan Timber Arsenal na Kokarin dauka kyaftin din West Ham United Declan Rice domin kara karfafa yan wasan tsakiyar da zasu kece raini a wasannin da zaa fara nan da watanni kadan
