Atiku Na Kan Gaba Da Kuri’u A Akwa Ibom A Lokaci Guda Akpabio Ya Sake Cin Zabensa

A yayin da aka bayyana sakamakon zaben shugaban kasa da na ‘yan majalisun tarayya da aka gudanar a ranar Asabar, dan takarar shugaban kasa na jam’iyyar PDP, Alhaji Atiku Abubakar, ya samu rinjaye akan takwarorinsa na jam’iyyar APC Bola Tinubu da na Labour Party (LP) Peter Obi, yayin da sakamakon zaben ya fara fitowa daga kananan hukumomin jihar Akwa Ibom.

A yayin da aka bayyana sakamakon kananan hukumomi 21 a cibiyar tattara sakamakon zaben shugaban kasa a karkashin jagorancin kwamishinan zabe na jihar, Dr. Cyril Onoregbe, Atiku ya ya samu nasara a kananan hukumomi 17, inda Tinubu ke da uku, yayin da Obi ya samu nasara a karamar hukuma daya.

• Zaben 2023: INEC Ta Sake Dage Tattara Sakamakon Zaben Shugaban Kasa Zuwa Gobe Litinin

A cewar mai tattara sakamakon zaben, Zaben da aka gudanar a wasu Unguwanni bai kammala ba, sabida tashe-tashen hankula musamman a kananan hukumomin Ikono, Etim Ekpo, Ini da sauran kananan hukumomin, inda jami’an suka samu labarin sace na’urar BVAS da kashe-kashe.

Har yanzu dai ba a bayyana sakamakon sauran kananan hukumomi 10 ba a lokacin da ake rubuta wannan rahoton.

A wani bangare kuma, tsohon ministan harkokin Neja Delta, Sanata Godswill Akpabio, na jam’iyyar APC ya lashe zabensa a Akwa Ibom  ta Arewa maso Yamma inda ya koma majalisar dattawa.

Sulaiman

+ postsBio

• Sulaiman

  An Kaddamar Da Taron Kirkire-Kirkire Da Ci Gaba Ba Tare Da Gurbata Muhalli Ba Na Ziri Daya Da Hanya Daya A HK
• Sulaiman

  Ci Gaban Sarrafa Kayayyakin Laturoni Da Na Manyan Fasahohi Ya Ingiza Ribar Da Masanaantun Kasar Sin Suka Samu
• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)