Badakalar N109bn: Kotu Ta Fara Sauraron Shari’ar Dakataccen Akanta-janar Ahmed Idris

Mai shari’a Adeyemi Ajayi na babbar kotun birnin tarayya Abuja, ya ci gaba da shari’ar tsohon Akanta Janar na Tarayya (AGF), Ahmed Idris da wasu mutane biyu bisa zargin almundahanar kudi har naira biliyan 109.

An fara shari’ar wadanda ake tuhumar ne bayan kotun ta bayar da belinsu wanda hukumar yaki da masu yi wa tattalin arzikin kasa zagon kasa EFCC ta amince musu.

• Da Dumi-Dumi: Kotu Ta Yanke Wa Abdulmalik Tanko Hukuncin Kisa

Mai shari’a Ajayi a hukuncin da ta yanke, ta bayar da umarnin cewa wadanda ake tuhumar ba za su bar birnin tarayya ba, face da izinin kotun.

Kotun ta yi barazanar soke belin da aka yi wa wadanda ake tuhumar idan suka fita daga hurumin da aka iyakance musu ba tare da izinin kotu ba.

Kotun ta kuma bayyana cewa wadanda ake tuhumar za su sanya hannu kan yarjejeniyar cewa za su bi ka’idojin belin da EFCC ta ba su.

Bugu da kari, Mai shari’a Ajayi ya bayar da umarnin cewa wadanda ake tuhumar su mika fasfo din su na fita zuwa kasashen waje ga hukumar EFCC sannan kuma ba a yarda su sake neman wani sabon fasfo ba, har sai an kammala Shari’a.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu