Barazanar Tsaro: Gwamna Kefas Ya Nemi A Tura Masa Bataliya Zuwa Taraba

Gwamnan jihar Taraba, Agbu Kefas, ya bukaci a tura masa Bataliyar soji a jihar domin kwato wuraren da ‘yan ta’adda ke yadda suke so a wasu yankunan jihar.

Ya yi wannan rokon ne a ziyarar da ya kai wa babban hafsan sojin kasa, Laftanar Janar Taoreed Lagbaja, a hedikwatar sojoji da ke Abuja.

• Minista: Magajin El-Rufai Ya Yanke Jiki Ya Fadi A Majalisa
• Mafarauta Sun Ceto Mutane 2 Da Aka Sace A Abuja

Gwamnan ya yi alkawarin samar da duk abinda ake bukata don karbar bataliyar a jiharsa.

LEADERSHIP ta rahoto cewa, Bataliya – tana dauke da dakarun soji 300 zuwa 1,000.

A nasa jawabin, babban hafsan sojin kasa, Laftanar Janar Taoreed Lagbaja ya yi alkawarin tura karin dakarun soji zuwa jihar Taraba.

Sai dai ya yi nuni da cewa, akwai wata bataliya a yankin Arewa maso Gabashin kasar nan a jihar Borno, amma dai ya yi alkawarin samar da karin wata tawagar gaggawa ta sojin zuwa jihar Taraba.

Sulaiman

+ postsBio

• Sulaiman

  Kasar Sin Ta Fitar Da Shirin Kai Wa Matakin Koli Na Fitar Da Hayakin Carbon
• Sulaiman

  Sin Ta Yi Nasarar Dawo Da Rokar Da Ake Sarrafa Dawowarta A Tashin Farko Na Samfurin Long March-10B
• Sulaiman

  CMG Ya Gabatar Da Shiri Na Musamman Mai Taken “Samun Nasara Dangane Da AI+” A Ketare
• Sulaiman

  Zargin Da Wasu Sassa Ke Yiwa Kasar Sin Na Takure Sauran Kasashe Masu Tasowa Ba Shi da Tushe Ko Makama