Buhari Ya Bai Wa Ministan Ilimi Mako 2 Don Kawo Karshen Yajin Aikin ASUU

Shugaban kasa Muhammadu Buhari ya bayar da umarni ga ministan ilimi, Malam Adamu Adamu da ya kawo karshen yajin aikin ASUU.

An ruwaito cewa shugaban ya bayyana haka ne a ranar Talata inda ya bayar da umarni ga ministan ilimin da ya sasanta abubuwan da ake tamaddama a kai cikin mako biyu sannan a kai masa rahoto.

• Jami’an Tsaro Sun Cafke Barayin Wayar Wutar Lantarki A Kano
• Kyandar-Biri Ta Bulla A Jihar Borno

A yau Talata shugaba Buharin ya tattauna da ma’aikatu da masu ruwa da tsaki wadanda ke da alaka da bangaren ilimi da za su iya warware tirka-tirkar yajin aikin.

Shugaban ya kira su ne domin ya samu karin bayani kan dalilin da ya sa wannan yajin aikin ya ki ci ya ki cinyewa.