Buhari Ya Raka Tawagar Yakin Neman Zaben Tinubu Jihar Yobe

A karo na biyu cikin kwanaki biyu, shugaban kasa Muhammadu Buhari ya shiga jirgin yakin neman zaben dan takarar shugaban kasa na jam’iyyar APC a 2023, Bola Tinubu a ranar Talata a Damaturu, babban birnin jihar Yobe.

Shugaban ya isa yankin Arewa maso Gabas ne a ranar Litinin din da ta gabata inda ya kaddamar da ayyuka takwas na gwamnatin tarayya da na jiha a Yobe, mahaifar shugaban majalisar dattawa, Ahmad Lawan.

• Babu Wanda Ya Isa Ya Alakanta Ni Da Satar Dukiyar Jama’a – Buhari

Gwamna Mai Mala Buni ya karbi bakoncin Buhari a Yobe tare da wasu jiga-jigan APC. Shugaban ya halarci taron gangamin shugaban kasa na jam’iyyar APC a Yola, babban birnin jihar Adamawa a ranar Litinin.

A taron da aka yi a Yobe a ranar Talata, tare da shugaban kasa akwai Ahmad Lawan, Mai Mala Buni, Ahmad Tinubu da abokin takararsa Kashim Shettima; da shugaban jam’iyyar APC na kasa, Abdullahi Adamu.

Sauran wadanda suka halarci gangamin akwai Gwamna Simon Lalong (Plateau); Babagana Zulum (Borno), Badaru Abubakar (Jigawa), Atiku Bagudu (Kebbi) da Inuwa Yahaya (Gombe).

Kwamitin yakin neman zaben shugaban kasa na APC ya ce Buhari zai shiga yakin neman zaben Tinubu a jihohi 10.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina Kasa