Bukayo Saka Ya Nemi Afuwar Magoya Bayan Arsenal Kan Zubar Da Fanariti

Dan wasan gefe na Arsenal, Bukayo Saka ya nemi afuwar magoya bayansa da kungiyarsa bayan zubar da bugun fanariti da ya yi a wasansu da West Ham a ranar Lahadi.

Saka ya samu damar da zai maida wasan ya kasance da ci 3-1 a rabin farko na karawar da kungiyarsa ta yi da West Ham a filin wasa na Landan, amma ya jefa kwallon waje a bugun daga kai sai mai tsaron gida.

• Batun Leken Asiri Ya Shaida Manufar Kama Karya Ta Kasar Amurka

Arsenal ta samu maki daya bayan tashi kunnan doki 2-2 a wasan wanda hakan ya bai wa abokiyar hamayyarta Manchester City kwarin guiwa a fafatawar neman kofin.

Bayan tashi wasan, Saka ya nemi afuwar magoya bayan Arsenal a shafinsa na sada zumunta na Instagram.

“Duk yadda sakamakon wasan ya kasance, a koyaushe zan karbi kuskurena. Ina neman afuwar magoya bayanmu, zan yi duk abin da zan iya don gyara kuskure da samun nasara a wasannin gaba” in ji shi a Instagram.

Yanzu dai Arsenal ce ke jagorantar Man City da maki hudu kacal a teburin gasar ta Firimiya.

Arsenal tana da maki 74, ta buga wasannin 31. Manchester City tana da maki 70, ta buga wasanni 30.

Sulaiman

+ postsBio

• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar
• Sulaiman

  Ministan Harkokin Wajen Sin Ya Gana Da Takwaransa Na Djibouti
• Sulaiman

  Ta Yaya Ake Ci Gaba Da Fitar Da Sabbin Kayayyaki A Yayin Baje Koli Na Canton Fair