Babban Bankin Nijeriya, (CBN), ya soke lasisin aiki na bankunan Microfinance guda 46 a ranar Laraba, yana mai cewa cibiyoyin kuɗin sun gaza cika ƙa’idojin doka da na hukumar da ake buƙata domin ci gaba da gudanar da ayyukansu.
Mukaddashiyar Daraktar Sashen Hulɗa da Jama’a ta CBN, Hakama Sidi-Ali, ta bayyana hakan a cikin wata sanarwa cewa, soke lasisin ya fara aiki ne daga ranar 1 ga Yulin 2026, bisa tanade-tanaden Sashe na 12 da na 13 na Dokar Bankuna da Sauran Cibiyoyin Kuɗi (BOFIA) ta shekarar 2020.
Ta bayyana cewa, Gwamnan Babban Bankin Nijeriya, Olayemi Cardoso, ya amince da hukuncin a matsayin wani ɓangare na ƙoƙarin kare daidaiton tsarin kuɗi na ƙasa, kare masu ajiya, da kuma tabbatar da bin ƙa’idojin da aka gindaya.
Bankunan da abin ya shafa sun haɗa da:
1- Minji-Se Churchill MFB – Jihar Ribas 2- Merchant MFB – Jihar Abia 3- Janmaa MFB – Jihar Kwara 4- Busu MFB – Jihar Neja 5- Gold MFB – Jihar Legas 6- Zain MFB (Dawakin Tofa MFB) – Jihar Kano 7- Bompai MFB – Jihar Kano 8- Ajwa MFB – Jihar Kano 9- Now Now Digital MFB – Jihar Kano 10- Crystabel Microfinance Bank – Jihar Bayelsa 11- Chanelle MFB – Jihar Legas 12- Abia SME MFB – Jihar Abia 13- Kamba MFB – Jihar Kebbi 14- Iwade MFB – Jihar Ogun 15- Winview MFB – Abuja 16- Zuru MFB – Jihar Kebbi 17- Minjibir MFB – Jihar Kano 18- Shanono MFB – Jihar Kano 19- Sumaila MFB – Jihar Kano 20- Rimin Gado MFB – Jihar Kano 21- Mwaghavul MFB – Jihar Filato 22- Sycamore MFB – Jihar Kano 23- TOFA MFB – Jihar Kano 24- Safegate MFB – Jihar Legas 25- Creekline MFB – Jihar Delta 26- Bestar MFB – Jihar Oyo 27- Livingspring MFB – Jihar Kuros Riba 28- Apple MFB – Jihar Ogun 29- Stanford MFB – Uyo, Jihar Akwa Ibom 30- Frontline MFB – Jihar Anambra 31- Zafec MFB – Jihar Kaduna 32- Supreme MFB – Jihar Legas 33- Bejin-Doko MFB – Jihar Neja 34- Kanopoly MFB – Jihar Kano 35- Bellbank MFB (Tsanyawa MFB) – Jihar Kano 36- Yeneng MFB – Jihar Filato 37- Creditville MFB – Jihar Legas 38- MBAG MFB – Jihar Legas 39- Straight Sahara MFB – Jihar Benuwe 40- Our Pass MFB – Jihar Ondo 41- VERDANT MFB – Jihar Legas 42- Basawa MFB – Jihar Kaduna 43- Casha MFB – Abuja 44- Esteem MFB – Jihar Kano 45- Enterpreneur MFB – Jihar Legas 46- Avantus MFB – Jihar Osun
Wannan mataki na CBN na zuwa ne a daidai lokacin da bankin ke ƙara ƙaimi wajen tabbatar da cewa bankuna da cibiyoyin kuɗi suna bin ƙa’idojin gudanarwa domin kare masu ajiya da kuma tabbatar da dorewar tsarin kuɗi a Nijeriya.
