Mai magana da yawun hukumar hadin gwiwar ci gaban kasa da kasa ta kasar Sin, wato CIDCA, Tang Ying ta ce, taimakawa fannin raya wasanni wani muhimmin dandali ne na kyautata hadin gwiwa mai amfani tsakanin Sin da Afirka, kuma ainihin matakan da Sin take dauka ne na ciyar da musayar al’adun jama’a tsakanin Sin da Afirka, da kuma aiwatar da manyan shawarwari hudu na duniya wadanda shugaba Xi Jinping ya gabatar.
Tang Ying ta bayyana a yayin taron manema labarai na rubu’i na biyu na bana, wanda hukumar ta shiya a jiya Talata 30 ga watan Yuni, cewa tun da dadewa, bangaren Sin ya kasance yana rike da manufar zurfafa hadin gwiwa, da sada zumunci tsakaninsa da Afirka, kuma yana ba da goyon baya gwargwadon karfinsa ga ci gaban wasanni a kasashen Afirka, ciki har da Cape Verde.
A shekara ta 2014, kasar Sin ta bayar da taimakon gina filin wasanni na Cape Verde, wanda ya zama aiki dake shaida abotar Sin da Cape Verde. Sin ta kuma aike da tawagogin kwararrun masana fasaha a wannan fili, don tabbatar da aikin yana gudana kamar yadda ya kamata cikin dogon lokaci, kuma zai ci gaba da samarwa al’ummar yankin hidimar da ta dace.
Tang Ying ta ce, “Muna fatan ‘yan wasan motsa jiki na Afirka za su samu karin nasarori a fagen kasa da kasa, kuma za su gabatar da sabon labarin musayar wayewa tare da ‘yan wasa daga kasashe daban-daban.” (Amina Xu)
