Cire Tallafin Fetur:  Gwamnatin Jigawa Ta Ware Naira Miliyan 50 Don Tallafa Wa Mata 1,000

Gwamnatin Jigawa ta ware Naira miliyan 50 don tallafa wa mata 1,000 masu kananan sana’o’i, domin rage radadin cire tallafin man fetur a kasuwancinsu.

Kwamishinan Yada Labarai, Matasa, Wasanni da Al’adu na Jihar, Alhaji Sagir Musa ne ya bayyana hakan a wani taron manema labarai a karshen taron Majalisar Zartaswar Jihar, ranar Laraba a Dutse.

• Cire Tallafin Mai: Gwamnatin Jigawa Ta Rage Kudin Takin Zamani

Ya ce, amincewar ta biyo bayan wata takardar bukata da kwamishiniyar harkokin mata, Hajiya Hadiza Abdulwahab ta gabatar wa majalisar.

A cewarsa, wannan yunkurin zai rage radadin cire tallafin man fetur a bangaren mata masu kananan sana’o’i.

“Majalisar ta umurci ma’aikatar da ta zabo Mata 1,000 masu kananan sana’o’i don tallafa musu da Naira 50,000 kowacce, domin bunkasa sana’arsu.

“Wannan shirin farko ne, shirye-shirye da ayyuka masu yawa na nan tafe, don tallafa wa jama’a a yunkurin gwamnatin na rage radadin cire tallafin man fetur,” in ji shi.

Sulaiman

+ postsBio

• Sulaiman

  An Fara Gasar Tseren Dawakai Ta ‘Renewed Hope’ da Sabon Salo A Kano
• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi