A baya bayan nan, babban rukunin gidajen rediyo da talabijin na kasar Sin CMG, ya yi amfani da shirin hadin gwiwar koyon Sinanci na kasa da kasa, wajen shirya shirin “Charming Chinese” na shekarar 2026, watau bikin ranar Sinanci ta MDD.
Shirin mai taken “fasaha na karfafa koyon harshen Sinanci da kuma yayata al’adun Sinawa a kasashen waje” na da nufin ba masu kallo na ketare damar zurfafa fahimtar kyawun harshe da al’adun Sinawa masu kayatarwa ta hanyar gayyatar masu koyon Sinanci da masu sha’awar al’adun Sinawa daga kasashen waje, su shiga cikin aikin tsarawa da watsa shirye-shiryen CMG na musammam da sauran shirye-shiryen da suka shafi al’adu.
An watsa shirye shiryen ne a dandaloli kamar na CGTN, inda zuwa yanzu aka samu masu kallo kusan miliyan 30. (Mai fassara: Fa’iza Mustapha)
