Anyi wa dan takarar shugaban kasa na APC, Bola Ahmed Tinubu nadin sarautar Dakaren masarautar Birnin Gwari a yau litinin 12 ga watan Disamba.
An nada masa sarautar ne a fadar mai Martaba Sarkin Birnin Gwari Malam Zubair Jibril Mai Gwari Na II, a karamar hukumar Birnin Gwari dake jihar Kaduna.
An bashi sarautar ne a lokacin da ya kai wa mai Martaba Sarkin Birnin Gwari ziyara har fadar sa dake garin Birnin Gwari a yammacin yau litinin.
Tinubu ya isa Jihar Kaduna ne domin gabatar da gangamin yakin neman zabensa a gobe Talata idan Allah ya kai mu.
