Shugaban kamfanin Urban Shelter, Malam Ibrahim Aliyu, wanda watakila shi ne mafi girman kamfani mai haɓaka rukunin gidage a Babban Birnin Tarayya Abuja da kuma ƙasa baki ɗaya.
A kowace mataki, ya yi tasiri a ɓangaren haɓaka gine-gine da ƙawata Babban Birnin Tarayya Abuja. Hanyar kasuwancinsa ma ta yi tasiri a wasu birane a faɗin ƙasar nan.
Wasu daga cikin manyan ayyukan ci gaba da ya fara gudanarwa a Babban Birnin Tarayya Abuja sun haɗa da gina kasuwar Garki Ultra-Modern Market, kasuwar Apo Urban, Guzape Mall, Kubwa Mall, Urban Shelter Sƙuare, Amina Court a Apo, rukunin gidaje na Katampe, rukunin gidaje na Lake Ɓiew Estate a Kado da kuma Mabushi Priɓate Ɓilla.
Haka kuma akwai wasu da suka haɗa da Heritage Heights a Asokoro, da rukunin gidaje a Kyami, Life Camp, Lokogoma, Kubwa, Dawaki da Guzape duka a Babban Birnin Tarayya Abuja.
Sannan nan akwai wasu ƴan kaɗan kamar su Shelter Ɓalley Residences a Ajiwe, rukunin gidaje na Urban Shelter a Ajayi, Urban Shelter Liɓing Oniru duka a Legas.
Malam Aliyu a ko da yaushe yana da alfanu. Yana samun damar haɗuwa da mutane masu riƙe da muƙamai daban-daban. Kuma hakan yana nufin samun damar mallakar filaye da zuba jari, da kuma samun bashi mara iyaka. Amma yana gina ne kawai don matsakaitan masu arziki na sama.
A ƴan shekarun baya, hannun jarinsa a kasuwar gidaje yana raguwa saboda gasa daga sababbin kamfanoni da suka shigo harkar. Kuma yanzu Urban Shelter ne ke ƙoƙarin samun sabbin dubaru na gine-gine na zamani da buƙatun kasuwa ga wasu masu siye daban-daban.
Wasu daga cikin sabbin shiga su ne kamfanoni masu zaman kansu da tsoffin ma’aikatansa suka kafa waɗanda suka koyi sana’ar, suka gina nasu kwastomomi, kuma ta wata hanya suka tara jari don canza ɓangaren harkokin gine-gine.
A wani ɓangare, asarar kasuwancinsa tana faruwa ne saboda sauya gwamnatocin Babban Birnin Tarayya Abuja masu amfani da manufofi daban-daban game da tsarin gidaje da amfani da filaye.
Fiye da shekaru goma, gwamnatocin baya sun fi son bayar da filaye ga kamfanoni masu gine-gine gidaje maimakon ɗaiɗaikon mutane.
Amma a ƴan shekarun baya-bayan nan, filayen da za a iya gina rukunin gidaje sun ƙare a hannun wasu mutane da kamfanoni da ba su da kuɗi ko damar samun bashi don manyan ayyukan gidaje ga masu matsakaicin matsayi.
Maimakon haka, suna sayar da ƙananan yankuna na filin da aka ware, a zahiri suna tallata su a tituna. Wannan yana bayyana ƙarancin gidaje a Babban Birnin Tarayya Abuja.
Malam Aliyu, wanda ke gab da cika shekaru 80, yana da kyakkyawan tarihin aiki da ya gina tsawon shekaru da dama a ɓangaren banki, kasuwanci, aikin gwamnati, da siyasa.
Kafin ya shiga harkokin siyasa a farkon shekaru 90, muƙamin gwamnati na ƙarshe da ya riƙe shi ne matsayin daraktan gudanarwa na babban bankin banƙasa masana’antun Nijeriya, wanda yanzu ake kira ‘Bank of Industry’.
A cewarsa, ya haɓɓaka wani fili da gwamnati ta ba shi a Ɓictoria Island da ke Legas, sannan daga baya ya sayar da shi da tsada. Wannan ne ya sa shi ya fara harkokin gina gidaje da kuma yin tasiri.
Manya masu kuɗi na son ƙarin kuɗaɗe da tasiri da jin dadin rayuwa. Matsakaicin talakawa na son kaɗan ne kawai fiye da abin da ya mallaka. Wannan ne giɓi da sabon masu gine-gine ke ƙoƙarin cikewa.
