Kwanan baya mataimakin shugaban jam’iyyar LDP ta kasar Japan kuma tsohon firayin ministan kasar Aso Taro ya kai wa yankin Taiwan na kasar Sin ziyara, inda ya bayyana cewa, ya dace yankin Taiwan ya shirya yin yaki da babban yankin kasar Sin, lamarin da ya gamu da suka daga bangarori daban daban. Ra’ayoyin jama’a na tsibirin Taiwan na zargin cewa, Aso Taro bai nemi gafara daga al’ummar Taiwan sakamakon mulkin mallakar Japan a baya ba, amma yana ingiza al’ummar yankin da su shirya yin yaki, ainihin yunkurinsa shi ne sake jefa su cikin mawuyacin hali.
Hakika Aso Taro ya taba yin tsokacin da bai dace ba sau tari, misali ya taba bayyana cewa, “Kasashen Amurka da Japan za su kare Taiwan tare” a shekarar 2021, kuma ya sake bayyana a watan Yunin bana cewe, “Taiwan yana da muhimmanci matuka ga Japan”. Ana iya cewa, ziyarar da ya yi a Taiwan a wannan karo ta nuna wasu manufofin gwamnatin kasar Japan wato musunta abubuwan da suka faru a tarihi da kuma kin yarda da gyara kura-kuran da suka aikata a baya. (Mai fassara: Jamila)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
