FCT Ta Amince Da Naira Miliyan 8.2 Kan Kujerar Aikin Hajjin 2026

Hukumar Jin Daɗin Alhazai ta Babban Birnin Tarayya (FCT) ta sanar da amincewar kuɗin kujerar aikin Hajjin shekarar 2026 a kan Naira miliyan 8,244,813.67 ga kowane mahajjaci tare da bayar da wa’adin ƙarshen watan Disamba na 2025 don kammala biyan dukkan kudaden.

A wata sanarwa da Daraktan Hukumar, Malam Kadiri Edah ya fitar a ranar Litinin, ya buƙaci mahajjatan da ke son zuwa aikin Hajji su tabbatar da biyan cikakken kudin kafin cikar wa’adin don samun kujerar zuwa kasar mai tsarki.

Edah ya yi gargadin cewa, “Dukkanin kuɗaɗen da za a biya hukumar dole ne a biya su ta hanyar asusun banki, ba a amince da karɓar tsabar kuɗi ba.”

Ya bayyana cewa, bin wannan ƙa’idojin yana da matukar muhimmanci domin bai wa hukumar damar tattara sahihin jerin sunayen maniyyata da kuma tura dukkan kuɗaɗen zuwa ga hukumar alhazai ta kasa (NAHCON) a kan lokaci.

Ya shawarci maniyyatan da suka kammala biyan kudadensu da su miƙa takardunsu na tafiya cikin gaggawa.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu