Gazawar Gwamnati: ASUU Ta Kara Tsawaita Yajin Aikin Ta

Kungiyar malaman jami’o’i (ASUU) ta kasa ta kara tsawaita yajin aikin da take yi.

Duk da cewa babu takamammen bayani kan karin wa’adin, kungiyar ta dauki matakin ne bayan kammala zaman taron zartarwar kungiyar ta kasa.

• Yajin Aiki Zai Ci Gaba Tun Da Gwamnati Ta Kasa Dauki Matakin Da Ya Dace – ASUU

In ba a manta ba a ranar 14 ga Fabrairu, 2022, kungiyar ASUU ta tsunduma yajin aikin neman cika musu alkawarin yarjejeniyarsu da Gwamnatin tarayya wacce bangarorin biyu suka Sanya Wa hannu tun shekarar 2009.

Karamin Ministan Kwadago da Aiki Festus Keyamo, a baya ya ce Gwamnatin Tarayya ba za ta iya cika wannan alkawuran ba na biyan bukatun Kungiyar Malaman Jami’o’in (ASUU) gaba daya.

Sai dai ya bayyana cewa, gwamnati ta yi iya bakin kokarinta, ya kuma yi kira ga iyayen dalibai da su roki ASUU su janye yajin aikin da ‘yaki ci yaki cinyewa’

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu