A wani bangare na ganin ya cika alkawuran da yayi na biyan albashin ma’aikata akan kari,mai girma Gwamnan jihar Sokoto Dr Ahmed Aliyu ya aminta da biyan albashin watan Yuni nan take ga ma’aikatan jiha da kananan hukumomi da kuma malamai kazalika da yan fansho.
Wannan na kunshe ne a wata takardar bayani da sa hannun mai magana da yawun gwamnan jihar Sokoto Malam Abubakar Bawa ya rabawa Yan Jarida a birnin Sokoto
Sanarwar tace wannan yunkurin dai nada manufar ganin ma’aikatan jiha sun samu sukunin gudanar da sallah Babba a cikin walwala
Gwamnan haka ma ya kara jaddada aniyar gwamnatin sa na ganin ta kyautatawa ma’aikata tare Kuma da farfadowa da darajar aikin gwamnati
Haka kuma, ya bukaci ma’aikatan dasu sakawa wannan yunkurin ta hanyar zamowa masu gaskiya,tsare aiki da kuma zuwa aiki cikin lokaci
Alhaji Aliyu ya kuma roki alummar jihar Sokoto dasu ci gaba da yiwa Gwamnati addua don samun nasarar biyan bukatun jama’a
