Gwamnatin Sokoto Za Ta Dauki Nauyin Karatun ‘Yan Asalin Jihar 85 A Jami’ar NorthWest

Gwamnan jihar Sokoto, Ahmad Aliyu, ya yi alkawarin ba da kulawa sosai ga ilimi bisa la’akari da muhimmancinsa ga ci gaban kowace al’umma.

Ya ce  a daidai lokacin da gwamnatinsa ta ayyana ilimi a matsayin daya daga cikin ajanda 9 da za ta ba karfi, gwamnatin jihar za ta dauki nauyin ’yan asalin jihar 85 da suka cancanta don yin karatun kwasa-kwasai daban-daban a Jami’ar Arewa maso Yamma (NorthWest), da ke Sokoto.

• Sanata Lamido Ya Ba Da Tallafin Naira Miliyan 40 Ga Daliban Jihar Sokoto

Gwamna Ahmad Aliyu ya yi wannan alkawarin ne a wajen taron kaddamar da dalibai na shekarar 2022/2023 da aka gudanar a harabar jami’ar da ke kan titin Kalambaina, Sokoto.

Aliyu ya yabawa Sanata Aliyu Magatakarda Wamakko bisa kafa jami’ar mai zaman kanta ta farko a jihar.

A nasa tsokaci, Wamakko ya ce manufar kafa jami’ar ita ce ta zama cibiyar kirkire-kirkire da bincike don samar da ci gaba mai dorewa, kiwon lafiya, noma da fasaha a jihar da ma yankin Arewa maso Yamma baki daya.

Ya bayyana jin dadinsa da cewa,  jami’ar ta zo a daidai lokacin da gwamnatin jihar mai mulki ta dauki ilimi a daraja ta daya wajen bayar da fifiko.

Sulaiman

+ postsBio

• Sulaiman

  Muhallin Halittu Da Aka Yi Gado A Kasar Sin Sun Samu Ci Gaba Ta Fuskar Ba Su Kariya
• Sulaiman

  Sake Jan Damarar Soja Da Japan Ke Yi Karin Alama Ce Mai Hadari
• Sulaiman

  Shugaban Majalisar Bayar Da Shawara Kan Harkokin Siyasa Ta Kasar Sin Ya Yi Kira Da A Raya Dangantakar Gabobi Biyu Na Mashigin Tekun Taiwan Cikin Lumana
• Sulaiman

  Sin Ta Zama Abin Koyi Na Sauyi Da Ci Gaba Ga Kasashe Da Dama, In Ji Shalva Papuashvili