Gwamnatin Tarayya Da Hadin Guiwar BUA Za Su Gina Titin Kano-Kazaure Zuwa Kongolam

Kamfanin BUA ya kaddamar da aikin rubanya hanyar Kano zuwa Kazaure-Kongolam mai tsawon kilomita 132 tare da hadin guiwar ma’aikatar ayyuka da gidaje ta tarayya.

Ministan ayyuka da gidaje Babatunde Raji Fashola ne ya kaddamar da aikin na Naira biliyan 116 a wani taro a Kazaure na jihar Jigawa.

• Shugaba Buhari Ya Bude Wasu Manyan Aiyuka 6 A Jihar Yobe

Sanarwar da BUA ya fitar ta ce, aikin zai ratsa jihohin Kano, Jigawa, da Katsina daga zagayen Dawanau a jihar Kano zuwa Kongolam a jihar Katsina.

Ministan, a cewar sanarwar ya bayyana cewa, kamfanin BUA Group ne zai dauki kashi mai yawa na daukar nauyin gudanar da aikin na rubunya hanyar mai tsawon kilomita 132 a wani bangare na ci gaba da ayyukan raya ababen more rayuwa.

Da yake jawabi a wajen taron, babban daraktan rukunin kamfanin BUA, Kabiru Rabiu, ya ce BUA zai ci gaba da jajircewa wajen hada kai da gwamnati kan muhimman ayyuka da tsare-tsare da za su hanzarta samar da ci gaban bil’adama, zamantakewa, da samar da ababen more rayuwa a fadin kasar nan.

Sulaiman

+ postsBio

• Sulaiman

  Muhallin Halittu Da Aka Yi Gado A Kasar Sin Sun Samu Ci Gaba Ta Fuskar Ba Su Kariya
• Sulaiman

  Sake Jan Damarar Soja Da Japan Ke Yi Karin Alama Ce Mai Hadari
• Sulaiman

  Shugaban Majalisar Bayar Da Shawara Kan Harkokin Siyasa Ta Kasar Sin Ya Yi Kira Da A Raya Dangantakar Gabobi Biyu Na Mashigin Tekun Taiwan Cikin Lumana
• Sulaiman

  Sin Ta Zama Abin Koyi Na Sauyi Da Ci Gaba Ga Kasashe Da Dama, In Ji Shalva Papuashvili