Gwamnatin Tarayya ta sanar da shirin rage farashin man fetur da ake sayarwa ta kamfanin NNPCL na tsawon kwanaki 30, musamman domin rage farashin sufuri.
Ministan Kuɗi kuma Ministan da ke kula da tattalin arziƙi, Taiwo Oyedele ne, ya bayyana hakan a ranar Alhamis yayin wani taron manema labarai a Abuja.
Ya ce gwamnati za ta sayar da man fetur ga masu harkar sufuri a farashi mai sauƙi.
Oyedele ya jaddada cewa wannan mataki ba ya nufin dawo da tallafin man fetur ba ne.
Ya ce gwamnati tana ƙoƙarin rage kuɗin da jama’a ke kashewa wajen sufuri sakamakon tsadar man fetur.
Sai dai har yanzu gwamnati ba ta bayyana takamaiman adadin rangwamen da za a samu ko sabon farashin da za a sayar da litar man fetur ba.
Ana sa ran za a fitar da ƙarin bayani kan yadda tsarin zai gudana da kuma waɗanda za su fi cin moriyarsa.
