A lokuta da dama tumbi yana addabar mutane, musamman mata kuma yana hana mace sakat yayin da take son yin wata kwalliya ko wani abu makancin haka. Hakan kuwa yana faruwa saboda a ko da yaushe ana cin abinci ne ba tare da ana yawan motsa jiki ba.
Kuma a duk lokacin da mutum zai rika cin abinci yana yawan zama ba tare da motsa jiki ba musamman ma abubuwa masu maiko da sauran masu sa kiba, to kuwa babu shakka sai ya yi timbi, hakan ya fi addabar mata, domin su ne ma’abota kwalliya.
- …Dalla-dallar Yadda Aka Kashe Kudin Tallafin Mai
- Wani Abun Fashewa Ya Tarwatse A Wani Masallaci Ya Kashe Akalla Mutane 18 A Afganistan
Don haka ne wannan shafi mai albarka ya yi nazarin yadda za a yi mace ko namji ya san hanyar da zai bi domin rage girman tumbi, domin idan ya yi yawa yana haifar da matsala ga lafiya.
Akwai hanyoyi da yawa na rage girman tumbi, mafi sauki su ne, A samu citta, Zuma, Ruwan dumi, Parsley, da Ganyen Mint, sai kuma Lemon, da kuma 50cl plastic bottle.
Ga Yadda A Ke Hadawa
A sa ruwan dumi a roba, a kara zumar sosai, a samu matsattsen ruwan lemon, daga nan sai a kara parsley juice, a kara ganyen mint 1/2 glass wato 5g, a sanya juice na ginger daga fresh ginger.
A dada su gaba daya sai ka sha da ruwan dumi, glass daya da safe glass daya da daddare har sai bukatarka ta biya, in dai an jarraba to kuwa za ‘a ga banbanci.
