Hajjin Bana: Kashin Farko Na Maniyyatan Adamawa 475 Sun Sauka Saudiyya

Hukumar Jin Dadin Alhazai ta jihar Adamawa, ta kwashe kashin farko na maniyyata 475 daga jihar zuwa Saudiyya domin gudanar da aikin hajjin shekarar 2023.

Alhazan da suka tashi a filin jirgin sama na Yola jiya da karfe 8:00 na dare sun fito ne daga kananan hukumomin Madagali, Michika da Girei na jihar.

• Hajjin Bana: Adadin Alhazan Nijeriya A Saudiyya A Yanzun Ya kai 24,324 

Malam Abubakar Salihu, Babban Sakataren Hukumar, ya ce Gwamna Ahmadu Fintiri ya samar da dakunan kwana na wucin gadi ga maniyyata a Otal din Meridian da motocin bas guda uku don kai su filin jirgin kafin a dauke su zuwa kasa mai tsarki.

Salihu, ya ba da tabbacin cewa kamfanin jirgin da aka amince da shi (Aero) za su kwashe dukkan maniyyatan cikin lokaci.

Mahajjata 2,574 ne ake sa ran za su gudanar da aikin Hajjin shekarar 2023 daga jihar.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi