Isra’ila ta fara barin Falasɗinawa su koma gidajensu da aka lalata a yankin arewacin Gaza.
Wannan ne karon farko tun bayan rikicin da ya ɓarke tsakanin Hamas da Isra’ila tsawon watanni 15, bisa yarjejeniyar tsagaita wuta da aka cimma.
- Firaministan Sin Ya Tattauna Da Baki Kwararru Dake Kasar
- Lokaci Ya Yi Da Za A Kawo Karshen Fashewar Tankar Mai A Nijeriya – Shettima
A safiyar Litinin ne, ɗaruruwan Falasɗinawa suka fara tsallakawa yankin ta mashigar Netzarim, bayan sun kwashe kwanaki suna jiran a buɗe hanya.
Ghada, wata uwa da ke cikin waɗanda suka fara komawa, ta bayyana farin cikin ta: “Aƙalla za mu koma gida. Yanzu zan iya cewa yaƙi ya ƙare, kuma ina fatan za a samu kwanciyar hankali.”
An samu tsaiko a buɗe hanyar ne sakamakon rashin jituwa tsakanin Hamas da Isra’ila kan tsarin musayar fursunoni.
Hamas ta bayyana komawar Falasɗinawa a matsayin nasara, tana mai cewa hakan ya karya yunƙurin da aka yi na tilasta wa mutanen barin gidajensu.
