Jimillar darajar tattalin arzikin teku na kasar Sin ta kai kudin Sin yuan tiriliyan 5.5 a rabin farko na wannan shekara, adadin da ya karu da kashi 5.1% idan aka kwatanta da makamancin lokaci na bara, kuma tattalin arzikin teku na kasar yana karuwa ba tare da tangarda ba, wanda hakan ya shaida yanayin ci gaba mai kyau da kasar ke samu.
A yau Litinin 3 ga watan Agusta, hukumar lura da albarkatu daga indallahi ta kasar Sin, ta fitar da bayanan ayyukan tattalin arzikin teku, wadanda suka nuna cewa, a rabin farko na wannan shekara, girman tattalin arzikin teku na kasar Sin yana ta kara girma, da ikon bunkasa bisa dogaro da karfin kashin kai a wannan bangare, kana da rawar da yake takawa tana kara bayyanawa a fili. Bayanan sun kara da cewa, bisa kididdigar da aka gudanar a mataki na farko, karuwar jimillar tattalin arzikin teku na kasar Sin a rabin farkon shekarar nan, ta haura ta karuwar GDPn kasar da kashi 0.4%, kana jimillar tattalin arzikin tekun ta Sin ta kai kashi 7.9% na daukacin GDPn kasar. (Amina Xu)
